Det aldri kvilande anti-imperialistiske tidsskriftet Frontlinjer publiserer eit slags samandrag av houvdoppgåva mi som eg skriv for to år sidan.
Kva er solidaritet
October 5th, 2009Vurderinga
September 15th, 2009Eg har lenge heva meg på den høge hesten min og tenkt at eg ikkje skulle byrja med twitter. Så slo det meg at dei fleste vitsane mine trass alt ikkje treng meir enn 140 teikn.
Så eg er på gli, altså. Eg vurderer ny teknologi.
Bruksretta forsking
August 11th, 2009Sjølv om eg ikkje, på nokon måte, deler synspunkta til dei som står bak bloggen “israelwhat.com”, skal eg vedgå at vart litt sjarmert av at dei ikkje berre siterer meg, men òg har omsett meg til engelsk.
(Eg trur dei greidde å leita fram dei minst juicy avsnitta i heile oppgåva mi, forresten).
Scroogled på norsk
March 10th, 2009Bad Science om “datamining” etter terroristar
March 2nd, 2009Ben Goldacre på Bad Science (og i The Guardian) forklarar kvifor det er fånyttes å bruka “screening” for å avsløra terroristar: Uansett kor god test du lagar, så får du for mange falske positive.
Cory Doctorow skriv skjønnlitteratur om dette poenget, mellom anna i novella “Scroogled” og ungdomsromanen Little Brother.
Leik
February 23rd, 2009
1. 321st Engineer Battalion (United States)
2. Supreme Court of the United States
Dette funkar utruleg bra. 321st spelar Shostakovich-kvartettar.
Oppdatert
February 20th, 2009Eg er veldig pliktoppfyllande, og har oppdatert WordPress til siste utgåva. Dei sa eg skulle gjera det. Denne gongen var det litt meir vanskeleg enn det plar vera, men eg trur det var fordi eg var lat og slumsen.
Elles oppsøkjer eg framleis ikkje det fine kultur- og debattmøte-tilbodet som eksisterer i hovudstaden, til trass for at eg, etter å ha vorte medlem på Underskog, burde vera meir enn nok informert om det. Ikkje oppsøkjer eg kafélivet eller shoppingtilbodet, heller. Når eg tenkjer etter, har eg heller ikkje nytta meg av det fine friluftstilbodet Lillomarka, rett utanfor stoveglaset, representerer. Iallfall ikkje sidan denne snøen kom.
Lenkja i dag er vel filesharer.org.
Medlem av kultureliten
January 22nd, 2009I dag, om lag tre år etter alle andre, er eg endeleg medlem av Underskog. Herregud, kor eg har gremma meg over å vera ekskludert frå heile det urbane kultur-elitemiljøet. No kan eg stå med rak rygg att.
Dessutan får Obama framleis ha mobil. Eg hadde uroa meg litt over dette., og er no letta. Sjølv om eg trur at journalisten i Aftenposten har gløymt at både sendar og mottakar må syta for at kommunikasjonen er sikker.
Men det hadde vore ein god idé å kryptera innhaldet i telefonminnet, slik ein del operativsystem kan kryptera swap-partisjonen. Finst det normale telefonar som gjer det?
Vellukka politisk strategi
December 15th, 2008I biografien om Jens Christian Hauge er det eit poeng Olav Njølstad verkeleg prøver å hamra inn: For leiinga i Milorg var noko av det viktigaste å gje nordmenn ei kjensle av å ha vore med på si eiga frigjering.
Heilt uavhengig av debatten om kva militær rolle motstandsrørsla eigentleg spelte, er det openbert at denne strategien var ekstremt vellukka. Det syner til dømes reaksjonane på kronikken Erling Fossen skreiv i Aftenposten 14.12.08.
Minnet
December 12th, 2008Dagbladet har eit oppslag om Henry Molaison, ein mann som ikkje kunne hugsa meir enn 20 sekund.
Brått skjøna eg kvar inspirasjonen til filmen Memento kom frå. Så prøvde eg å tenkja på korleis ein kan skapa meining i livet utan minne. Dinest vart eg uendeleg trist.
Etterpå tenkte eg litt på filmen Total recall, og tenkte litt på at det fine er at vi kan konstruera minne om ting vi ikkje har opplevd, og at det er kultur. Så vart eg trist att.
