Strøtankar: Tarjei Vågstøl

iPhone

with 7 comments

Då eg kom attende frå permisjon i starten av januar, var eit av nyhenda venta meg at Apple hadde lansert iPhone – eller i det minste vist fram ein prototyp. Telefonen er ikkje venta i Europa før slutten av 2007, så kanskje det er eit år til han er lett tilgjengeleg for norske forbrukarar. Det fyrste eg tenkte då eg såg presentasjonen, var «wow, ein slik må eg ha».

iPhone er altså ein kombinert iPod og GSM-mobiltelefon frå Apple som tilbyr eit fantastisk nytt brukargrensesnitt oppå ganske vanlege tekniske spesifikasjonar. Noko meir gidd eg ikkje skriva om sjølve telefonen – til og med VG har jo skrive om han. Det fyrste eg tenkte var at her har Apple greidd å blanda det beste frå «businesstelefonar» og «fritidstelefonar», pakka inn i pen design frå Apple.

Eg er ikkje så sikker lenger, etter å ha lese meg litt opp på stoda i mobilmarknaden generelt. Det er ikkje mangelen på 3G som uroar meg. Det er meir to punkt:

1. Er iPhone stor nok til å fungera som ein PDA? I mange tilfelle er det veldig overkill å dra med seg ei bærbar datamaskin – kan ein iPhone romma alt det eg treng å ta med meg?

2. Apple er flinke, men eg er litt usikker på kor godt fyrstegenerasjons-iPhone står seg mot modellar frå Nokia og Sony Ericsson som har mange år på baken. Det tek veldig mykje tid å finpussa eit brukargrensesnitt slik at det er behageleg – og av mobilleverandørar, er det stort sett berre Nokia der eg er veldig nøgd med OSet/grensesnittet. Eit så komplekst system som iPhone er vel vesentleg vanskelegare å gjera feilfritt? Dessutan: iPod-ar er greie fordi dei har så enkelt grensesnitt og få funksjonar. iPhone er snarare eit steg i motsett retning.

tarjei , 2007-01-24 04:44

Spalta Teknologi

«
»
  • http://magnus.blogspot.com magnusbe

    Eg trur ikkje iPhone, med sitt virtuelle tastatur, kan erstatta ein PDA om du har tenkt å skriva mykje på den. Det er nok enklare enn å bruka nummertastane på ein mobil, men det finst mange andre løysingar med tastatur eg trur må vera betre.

    For prisen iPhone kjem til å ha når den kjem til Europa om eitt år kan ein sikkert få både ein rimeleg datamaskin og ein telefon med mykje dei same funksjonane.

    Det positive med iPhone slik eg ser det er den store lagringskapasiteten, multitouch-systemet og integrasjonen med musikk- og videospelaren. Det skal bli spanande å sjå korleis skjermen viser film.

    Eg trur likevel ikkje eg kjem til å kjøpa meg ein slik, mellom anna av di eg nok heller går over til Linux enn Mac om eg skal byta bort Windows. Eg trur ikkje synkroniseringa med kontaktlister og epost og slikt vil fungera smertefritt mellom Mac og Windows, men det kan henda eg tek feil.

  • http://magnus.blogspot.com magnusbe

    ARGH! Eg skreiv eit langt innlegg som forsvann pga at eg har slått av Javascript.

  • tarjei

    Eg veit ikkje heilt kva eg vil ha, for å vera ærleg. Eg vil ha høve til å skriva inn korte notat (av typen «handlelister»), men det er ikkje viktig for meg å kunne redigera skikkelege dokument. Eg er spent på om det virtuelle tastaturet er betre enn mikroskopiske fysiske tastatur (td. Palm, Blackberry): Eg trur det er avgjerande om det er mogleg å bruka 3-4 fingrar, og ikkje berre ei.

    For tida dreg eg rundt på:

    • Nokia 6070. Det er ein mobil som ikkje kan særleg mykje, men så var han heller ikkje så veldig dyr (evt. headsett til denne)
    • iPod nano 1GB (med øyrepluggar, evt. USB-kabel)
    • Ei A5-format Moleskine-dagbok. Om lag 30 sider kalender, og resten med plass til lister – jf. GTD-metoden, som eg no desperat prøver å læra meg.

    Førestellinga mi var at iPhone kanskje kunne hjelpa meg å slå saman desse tre. Men kanskje ikkje.

  • Lars A.

    Jeg er ganske frelst over mulighetene for sync – men så er jeg jo mac-bruker og trives egentlig godt med det. Musikk bryr jeg meg ikke så mye om, kanskje fint å kunne høre podcasts og sånn fra telefonen, men for meg blir det avgjørende om iphonen er bra på lydopptak, evt. tilbyr gadgets ala det som fins til ipod for om jeg går over til det formatet.

    Hvis Iphone betyr bra lydopptaksutstyr, sync, mulighet til å lese mail og i tillegg en bra, funksjonell telefon (dette er åpenbart litt viktig) så sier jeg ja takk.

    I tillegg er det en stor bonus om sprøkstøtten er bra, så man slipper å ha to telefoner, noen som har sjekket dette? Hva med muligheten til å ha to simkort, forreseten?

  • tarjei

    iPhone køyrer OS X, altså ei modifisert utgåve av Mac OS X. Då kan ein jo vona at dei har teke med noko av språkstøtta derifrå – iallfall høvet til å visa fram fullt Unicode. I dag fann eg ut at teiknsettet i SMSar, slik det er definert i standarden GSM 03.40, er Unicode, koda med UCS-2. Men vanlege billigtelefonar ser ikkje ut til å implementera eit heilt teiknsett.

    Eg er litt meir usikker på om Apple kjem til å leggja med «tastaturoppsett» for andre språk. Me kan jo vona på det, men av ein eller annan grunn er eg ikkje heilt trygg på det.

    To SIM-kort trur eg du kan gløyma. Det er ein typisk eigenskap for proffe «business»-telefonar, og iPhone rettar seg meir mot privatmarknaden. I USA skal dei til og med binda telefonen til Cingular (mobilverksemda til AT&T).

    Alle snakkar om konvergens heile tida. Det er likevel eit problem at desse superdingsane som kan alt ikkje kan alt så veldig bra. iPhone får eit middels kamera, middels støtte for mobilteknologi (jf. ikkje 3G) og sikkert middels gode PDA-funksjonar òg. Lydopptak har eg ikkje sett så mykje på, men det er mogleg at iPhone har ein slags basic lydopptak/diktafon.

    Problemet mitt er at eg vil ha bra kvalitet på alt mogleg, òg. Til opptak kunne eg tenkja meg ein M-Audio MicroTrack 24/96, til foto eit verkeleg kamera (heck, eg er misnøgd med det fine, nye digitalkompaktkameraet mitt) …

    Eg er på nippet til å avskriva fyrstegenerasjons-iPhone som ein flopp. Etter å ha undersøkt tilgjengelege alternativ, trur eg at det beste hadde vore anten ein Palm TX (WiFi-PDA utan mobil) eller Nokia E70 (solid «business»-telefon med WiFi) er betre alternativ.

  • Lars A.

    Er det sånn at Iphone ikke har Wifi? Etter svarene dine er jeg plutselig mer skeptisk.

  • tarjei

    iPhone har WiFi, men ikkje 3G.

    Det som er jævla dumt, er at iPhone kjem til å vera «lukka» (les: berre Apple-godkjende tilleggsprogram), slik at me ikkje er garanterte at lure løysingar for IP-telefoni (som Skype) vil verka. Dessutan er det ikkje sikkert at iPhone får Java-støtte ein gong (noko min bedritne Nokia 6070 har, og den førre clamshell-mobilen min frå Samsung hadde).

    Så … det som trekk opp med iPhone er nokre unike ting ved brukargrensesnittet, iPod-liknande synk og den «innebygde video-iPoden». Legg «fyrstegenerasjonsprodukt frå Apple» til i miksen, og eg trur ikkje det er vits å vurdera iPhone før om 1,5 år — eg er overtydd om at tredjegen iPhone kjem til vera heilt fantastisk.