Strøtankar: Tarjei Vågstøl

Sanningsord

with 2 comments

Alle dei som likte Mordet på Adder, bør oppsøkja Krematoriet. Verkeleg. Om ikkje anna, så kan du få stadfesta at eg har ekstremt lågpanna humor.

Det bitraste er at eg ikkje har greidd å finna att Mordet på Adder på nettet. Det provar berre at sirkulasjon i BBS-Noreg på starten av 1990-talet ikkje kan reknast som «publisering».[1]

Noko seier meg at eg kjem til å elska Kill Buljo.

[1] Nokre prøvde seg med «EOT». Den forkortinga fekk aldri heilt fotfeste. Det hadde vore interessant om nokon hadde laga eit oversyn over korleis det gjekk med det mild sagt aparte BBS-miljøet rundt Bergen etter at Internet-hausten (nesten det same som atom-vinter) kom over det. Lars-Toralf Storstand er til dømes å finna på bloggen Målmannen, som til forveksling liknar på BBSen «Lion of Zion» (berre at språket no er eit slags heimelaga høgnorsk).

tarjei , 2007-03-22 02:51

Spalta Underhaldning

«
»
  • http://magnus.blogspot.com magnusbe

    OK.

    Nokre av oss fekk aldri vore med på BBS-livet. Eg innrømmer det glatt.

    Eg tykkjer du kan forklara oss kva du snakkar om.

  • tarjei

    Eg hadde ei von om at nokre av lesarane hugsa Mordet …. Det var ei vanvittig historie, skrive av ein person som kalla seg «Adder» (ta-da. Han har ikkje publisert teksten på nettsida si, så eg skal ikkje nemna kva han eigentleg heitte). Han meistra sjangeren «overdrive underbuksehumor» til fingerspissane (eller «rumpeballane», som han ville sagt) og dreiv fleire ordskiftegrupper på fleire BBSar. Eg tykte det var artig den gongen, og då eg las Mordet … oppatt fore nokre år sidan, lo eg like mykje.

    Eit søk på atekst med søkeord BBS avslører forresten mykje moro om BBSane. I 1995, då fenomenet var så godt som daudt, skulle «departementet lage et nytt regelverk for BBSer», og avisene var fulle av interessante titlar som «Satanisme på data» (VG 1994-02-24) og «Narkooppskrifter på databaser» (Aftenposten 1993-12-16). Om alternativet til denne styggedomen, Yankee Rose (drive av Geir Stokke) heitte det: «Databaser er ikke bare pornobilder, telesvindel og programtyverier.» (BT 1993-08-21).

    atekst minna meg òg om at me hadde eit Hacker Crackdown her i landet òg, då politiet aksjonerte mot 15 BBSar i desember 1992 av di dei spreidde piratkopiert programvare.