Etter litt lesing fann eg ut at Nota Bene byggjer på eit gamalt tekstbehandlingssystem for MS-DOS – XyWrite. Det ser ut som om det er omtykt, særleg fordi det var svært tilpassingsvenleg. Denne arven har truleg skulda for at Unicode-støtta manglar, tastaturstøtta/språk-støtta er utruleg anakronistisk og rare kodar dukka opp over alt.

Eg veit ikkje om det framleis er assembler-kode derifrå att i Nota Bene, men det skulle ikkje overraska meg.

Integrert eller ikkje-integrert er ikkje avgjerande for meg. Eg har vona entusiastisk på eit tekstbehandlingsprogram med god støtte for referansar i fleire år no. Visjonen er at det då kan verta meir robust og snappy enn eksterne løysinga a la Endnote og Zotero.

Det eg likte med DevonThink, var at det var mi fyrste oppleving av eit program som var til hjelp for humanistisk, akademisk skriving. Tekstbehandlarar og sitatprogram er liksom ikkje anna enn program for å produsera “tekst på papir” (eller PDF). Ja, du får hjelp til å systematisera, navigera i og få oversyn over overskrifter og kjeldetilvisingar. Realistane bruker LaTeX fordi dei treng fine formlar, humanistane Word (eller OOo) fordi dei ikkje taklar kodar.

Problemet med, eller skal eg seia avgrensinga i, til alle desse programma er at dei fokuserer på det endelege dokumentet. DevonThink, derimot, er ein flott stad å samla alt som ligg bak den teksten som vert produsert.

• utdrag frå kjelder
• utdrag frå litteratur
• artiklar i tekst- og PDF-format
• notat og skisser i tekstformat

Indekserte søk (Windows Desktop Search eller Google Desktop) kan hjelpa med å finna att filer, men eg opplevde at det var lettare å finna at informasjon i DevonThink (dette skriv eigentleg Steven Berlin Johnson godt om). Kom eg over noko eg trudde kunne vera viktig (dei månadene eg brukte DT), kasta eg det berre inn i DT-basen. Databasen i Nota Bene (Orbis) hadde faktisk ein del sider som var enno betre enn DT, men eg vart som sagt aldri vener med det systemet. Og ikkje stør Orbis PDF, heller (trur eg), og det er jo viktigare og viktigare.

Om DT kan rettferdiggjera eit byte til Mac, veit eg ikkje. Dersom eg skulle gått i gang med eit like stort prosjekt som hovudfagsoppgåva mi igjen (kanskje ein framtidig doktorgrad?) hadde DevonThink vore eit tungt argument for å gå attende til Mac.

Du kan jo låna ein Mac og testa det ut (30-dagars trial er tilgjengeleg), men problemet er at det er eit program du må gifta deg med før magien kjem fram.