Seriøst: Det er ikkje det at dette er så viktig. Dersom ein serie er verkeleg god, slik som Forbrydelsen (DR) og The Wire (HBO), har eg ingen problem med å godta at hovudpersonar vert lirka inn i handlinga på denne måten.

Problemet med Kodenavn Hunter er at serien ikkje er veldig god (replikkane er så dårlege at eg får reint vondt av skodespelarane), og (kanskje difor) fokuserer minutiøst på sånne polititekniske detaljar og framstellinga av hierarkiet innetter i politiet. Det er dette fokuset som gjer at eg heng meg sånt som eg spurde om.

Så vil eg gjerne poengtera hovudpoenget mitt ikkje er at Detektimen er dårleg, men at norsk krim og spaningsseriar tydelegvis er frykteleg vanskeleg å få til rett.

Det mest kritiske punktet er kvifor Hunter-gruppa skal arbeida med ei PST-sak, men utan å få vita kritisk viktig informasjon (det med “stedelig politmyndighet” tykkjer eg òg var tynt, men det får vera). For meg verkar det som eit grep for å trekkja opp den klassiske “Säpo vs. skikkeleg politi”-konflikten, som Jan Guillou mellom anna har skrive om lag ti bøker om. Men eg kan vanskeleg sjå kva det skikkelege politiet har med denne saka å gjera i det heile.

Svaret om livvakt tykkjer eg òg er tynt, sjølv om ho skulle arbeida for PST var jo openbert skotpremien på henne iallfall kjend i heile Europa (ein million euro, som han nordlendingen informerte om). Dessutan er det jo ikkje nett praktiske grunnar til å halda henne i “Hunter-gruppa”, heller.

Så, nei, eg er ikkje særleg nøgd med svaret.

No kan eg ikkje hugsa kvifor eg bytta tilbake til XP att, men eg trur noko av grunnen var så prosaisk som støy. Vifta på maskina ser ut til å gå stillare og sjeldnare der enn under Linux, og det var eit litt kritisk moment for meg.

Eller kanskje det var fordi eg måtte køyra noka programvare. Det tvilar eg eigentleg på, for det er utruleg lite programvare eg må køyra for tida.

Han vil ikkje gå i svevn viss Transmission køyrer, men det er berre av di Transmission Bittorrent Client trur han er so jysla viktug.

Vi kunne sjølvsagt sagt “etter år null i den gregorianske kalenderen”, dersom det var viktig å lata som hegemoniet ikkje er der.

Men dette er iallfall eit hegemoni eg tykkjer er ganske ufarleg, fordi alle slike null-år er vilkårlege. Og, som eg skreiv til Magnus, ein kalender utan null-år er utruleg lite praktisk, sjølv om vi seier at vi er i “rundt tal” + 2008 no.

Optimalt sett kunne eg tenkt meg ein kalender som sette null ved det fyrste året vi kan snakka nokolunde presist om (eit par-tre hundre år fvt?), slik at det var klart for alle at årstala bakover vert utruleg upresise på eitt eller anna punkt.